Паважаныя наведвальнікі! Учора на нашу паштовую скрыню мы атрымалі ліст наступнага зьместу:

"30 жніўня - Дзень нараджэньня грамадзяніна Лукашэнкі, які быў перышым Прэзідэнтам Беларусі да таго часу, пакуль не ўзурпаваў уладу незалежнай краіны ў цэнтры Эўропы. Да сёньняшняга дню сілаю і падманам гэты чалавек ўтрымлівае ўладу".

Моладзевыя актывісты Маладэчна сьцьвярджаюць, што 30 жніўня вывесілі расьцяжку "За Свабоду" на мосьце на самым ўезьдзе ў горад з боку Смургоньскага накірунку і прымеркавалі гэтую падзею да 53-га Дня народзінаў "усенароднаабранага прэзідэнта". Можна здагадацца, што лёзунг, які бачны на белым палотнішчы - гэта пажаданьне, а дакладней жаданьне віншавальнікаў.  Вось дык народная любоў!